जनताया समर्थन बिनाया एकल निर्णयप्रति आपत्ति

झीगु संवाददाता

११३८ अनलाथ्व पुन्हि /येँ

झिंछक्वःगु गणतन्त्र दिवसया लसताय् नेपाली कांग्रेस येँ महानगर १३ वडा इकाई समितिया ग्वसालय् चित्तधर शालीक कालिमाटी चोकय् दिप प्रज्वलन याःगु दु ।

किपा-शरण ज्यापू हरि

गणतन्त्र दिवसया लसताय् सकल नेपाःमियात भिंतुसें मू पाहाँ नेपाली कांग्रेस केन्द्रीय सदस्य एवं पूर्व मन्त्री श्री नविन्द्रराज जोशीं वर्तमान सरकारं अदालतं दोषी ठहर यानाः सजायँ बिया तःम्ह मनूयात आममाफी बियाः मानव अधिकारया तप्यंक उल्लंघन याःगु  धयादिल ।

उकियालिसें वय्कलं थज्यागु एकतर्फी निर्णयात स्वीकार यायेमफइगु अले गणतन्त्र धइगु पूर्ण रुपं जनतां जनतायात याइगु शासन खः जूगुलिं वर्तमान सरकारं न्ह्यावने मफइगु नीति व ज्याझ्वः यात कयाः नं विमति प्वंकादिल । वय्कलं थज्याःगु जनताया हित मयाइगु खँय् विरोध यायेत नेपाली कांग्रेसयात साथ बिइत सकल नेपाःमिपिन्त इनाप यानादिगु दु ।

किपा-शरण ज्यापू हरि

उगु हे ज्याझ्वलय् पूर्व सभासद् श्रीमती राज्यलक्ष्मी श्रेष्ठ, येँ महानगरपालिकाया मेयरया प्रत्यासी राजुराज जोशी व येँ महानगर १३ वडा इकाई सभापति सुरेन्द्र मानन्धरजुं गणतन्त्र दिवसया लसताय् सकलसित भिंतुनाया लिसें थःथःगु नुगः खँ प्वंकादीगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.