चिनी ल्वय् (डाइबिटिज) व सेक्स लाइफ




चिनी ल्वय् (डाइबिटिज) जूपिंत स्वास्थ्यसम्बन्धी समस्या ला व हे वइ नापं सेक्ससम्बन्धी समस्या नं यक्व हे वइ । उमिगु सेक्स लाइफ चिनिल्वय्या प्रभावं बांलाइमखु । थ्व ल्वगिपिनि सेक्सया रुचि म्हो जुइ । थुलि जक मखु कि उमिगु सेक्स लाइफ हे सिधः थें जुइ । मिसा व मिजं निम्हेसितं चिनि ल्वचं अलग अलग नकारात्मक प्रभाव लाकी ।

  • मधुमेह जूपिंके सेक्स सम्बन्धी समस्या मेपिंके सिबें अप्व दइ । थ्व ल्वय् जूपिं मिजंतय् व मिस्तय् सेक्स समस्या बिस्कंबिस्कं कथंया जुइ ।
  • मिजंतय्त थ्व ल्वय्या कारणं इरेक्सनया समस्या जुइ ।
  • चिनील्वय्या ल्वगित हाइ ब्लडप्रेसरया सिकार जुइ ।
  • थ्व ल्वय् जूपिं मिस्तय्त सेक्सया इलय् अप्वः स्याः चाइसा सन्तुष्टि नं म्हो जुइ ।
  • चिनि ल्वय् जूपिनि सेक्सय् रुची म्हो जुया वनीगु छगू तःधंगु समस्या खः ।

चिनि ल्वय् जूपिं सेक्स समस्यापाखें तापाक च्वनेगु छुं छुं उपाय

  • शारीरिक स्वापू तये न्ह्यः मानसिक रुपं तयार जुइगु ।
  • पाटर्नरयात सेक्सया इलय् ग्वाहालि व प्रोत्साहन बीगु ।
  • हाइब्लडप्रेसरं सेक्सलाइफय् समस्या पिकाइ । उकिं ब्लडप्रेसर नियन्त्रणय् तयेगु ।
  • तौल म्हो यानादिसँ, छुं नं कथंया तनावय् च्वनादीमते ।
  • नियमित व्यायाम यानादिसँ ।
  • द्यनेबलय् नं बांलाक न्ह्यः वयेकेगु यानादिसँ ।
  • डाक्टरया सल्लाह मकासे छुं नं कथंया कामोत्तेजक वासः नये मजिउ ।
  • चिनि नियन्त्रित यायेत थःगु डाइटय् नियन्त्रण यायेगु लिसें ल्वय्या बांलाक उपचार यायेगु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: