चिकुलाया मौसमय् लोमना नं थ्व चिजत छ्यन्गुइ बुलेमज्यू, मखुसा छ्यन्गु हाकुया वनि

मानसि (झीगु डट कम)

चिकुलाया मौसम सुरु जुइधुंकूगु दु । थ्व मौसमय् उसाँय् नाप नाप छ्यन्गु नापं स्वानाच्वंगु यक्वः कथंया समस्या नं वयेफु । चिकुला मौसम सुरु जुइवं हे छ्यन्गु नाइसे मच्वना फुस्रो जुयावनि । अले थ्व मौसमय् नं ख्वाःया चमक मतंकेत झीसं तान्वगु इलय् बुलेगु क्रिम वा घरेलु वासः खः व हे बुलेगु यायेमज्यू । मखुसा थुकिं यानाः ख्वालय् अखः लिच्व लाइ । व हे जुया झीसं चिकुलां तान्वगु इलय् बुलेगु क्रिम वा मेमेगु थी थी घरेलु वासः छ्यलेगु दिकेमाः । झीसं चिकुलाया मौसमय् छ्यन्गुइ छु छु बुले मज्यू धकाः सिके माः ।

बेकिंग सोडा

बेकिंग सोडायात फेस प्याक दयेकाः तसकं हे छ्यलेगु याइ । तान्वगु इलय्ला थुकिं छ्यन्गुयात बांलाकि । तर, चिकुलां धाःसा बेकिंग सोडा छ्यन्गुइ छ्यलेगु तसकं हे हानिकार जुइ । यदि बेकिंग सोडायात मेमेगु बस्तुइ दुथ्याका चिकुलाया इलय् छ्यन्गुइ छ्यलेगु यात धाःसा झीगु छ्यन्गुया चमक म्हो जुइ । अले छ्यन्गुइ खाकूगु चात नं खने दइ ।

सन्तरासि

सन्तरासिं ख्वाःया चमक तनेगु ज्या याइ । थुकिया फेस प्याक दयेकाः ख्वालय् पायेगु नं याइ । तर थ्व हे चिज चिकुलाया इलय् यात धाःसा तसकं हे अखः लिच्व लाइ । व हे जुया सन्तरासि चिकुलाया इलय् ख्वालय् छ्यले मज्यू ।

कागति

झीसं तालाया इलय् थःगु ख्वालय् यक्वः कथंया फेस प्याक दयेकाः वा घरेलु बस्तुत पाखें फेस प्याक दयेकाः पायेगु याइ । गुकिं कगति नं दुथ्यानाच्वंगु दइ । चिकुलाया इलय् कागतिं ख्वालय् तसकं हे अखः लिच्वः लाकि । थुकिं ख्वाःया चमक म्हो यानाः खाकुका बिइ । कागति दइगु सिट्रिक एसिडपाखें झीगु छ्यन्गुयात सुख्खा याइ । गुकिंयाना ख्वाःया चमक बुलुहुँ म्हो जुयावनि ।

पुदीना

पुदीना (नवघाँय्) ख्वाःया हेरबिचार यायेत यक्वसियां छ्यलेगु याइ । तान्वगु इलय् थुकिं छ्यन्गुइ चमक हयाबि धाःसा चिकुलां छ्यलिइबलय् ठीक अखः जुइ । वहे जुया चिकुलां पुदीना छ्यन्गुइ छ्यले मज्यू ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.