fbpx

चाःहिलेगु मखुला, हरिसिद्धि सल्लाघारी सामुदायिक वन ?

झीगु संवाददाता

येँ — हरिसिद्धि सल्लाघारी सामुदायिक वनयात न्ह्यइपूगु पर्यटकीय केन्द्र दयेकेत छगू गुरु योजना तयार याइगु जूगु दु ।

नागर्जुन नगरपालिका  ५ नम्बर वडाय् च्वंगु थुगु  सामुदायिक वनय् वैशाख २१ गते शनिवाःकुन्हु उपभोक्ता समूह, सितापाईला हरिसिद्धिइ प्रतिनिधि सभा सदस्य जीवन राम श्रेष्ठलिसें प्रदेश सभा सदस्यपिं अष्टलक्ष्मी शाक्य, केशव पोखरेल, प्रकाश श्रेष्ठ, नागर्जुन नगरपालिकाया उपमेयर सुशिला अधिकारी, नागर्जुन नगरपालिका ४ नम्बर वडा नायः करुण बलामी, नागर्जुन नगरपालिका ५ नम्बर वडा नायः महेश रिमाल व सामुदायिक वन उपभोक्ता समूहया पदाधिकारीपिं दथुइ सहलह यानाः गुरुयोजना अवधारणा तयार यागु खः ।

This slideshow requires JavaScript.

महानगर लिक्क लाःगु थुगु सामुदायिक वनयात न्ह्यइपुगु व चाहिलेबहःगु थाय् दयेकाः चाहिउ वनिपिनिगु नितिं बांलागु गन्तब्य जुइ धकाः संघिय सांसद श्रेष्ठं कनादिल ।
थुगु गुरुयोजनाया नितिं सासंद क्षेत्र विकास कोषपाखें जीवन राम श्रेष्ठं १० लाख ५० हजार तका विनियोजन जुइधुंकूगु बुखँ दु ।

Leave a Reply

Your email address will not be published. Required fields are marked *