चलचित्र तथा साँस्कृतिक प्रतिष्ठानया न्हूगु कार्यसमितिइ – अध्यक्ष के.पी.पाठक व उपाध्यक्ष विजयरत्न

११३८ गुँला गाः सप्तमी/येँ

नेपाल चलचित्र तथा साँस्कृतिक प्रतिष्ठानया शनिबार जूगु साधारण सभां न्हूगु कार्यसमितिया अध्यक्ष पदय् के.पी.पाठकयात सर्वसम्मत
ल्यःगु दु । शनिबार येँया निम्तो रेष्टुराँय् सम्पन्न जूगु न्हापांगु साधारण सभां ७म्ह दुजः दुगु न्हूगु कार्यसमितिया उपाध्यक्ष पदय् विजयरत्न तुलाधर “असंबरे” ,महासचिव राजु के.सी, सचिव राजु भण्डारी, कोषाध्यक्ष कमलप्रसाद शर्मा व दुजः कथं विश्वराज सापकोटा व रसिक पाठक सर्वसम्मतं ल्यःगु खः ।


शनिबार सम्पन्न साधारण सभाय् नेपाल चलचित्र तथा साँस्कृतिक प्रतिष्ठानया साधारण सभाय् तदर्थ समितिया अध्यक्ष के.पी.पाठकं थ्व प्रतिष्ठानयाबारे थःगु खँ तयादीगु खःसा तदर्थ समितिया सचिव राजु भण्डारीं प्रतिष्ठानया वार्षिक प्रतिवेदन व कोषाध्यक्ष कमलप्रसाद शर्मां आर्थिक प्रतिवेदन न्ह्यब्वःगु खः ।

अथेहे तुं उगु प्रतिष्ठानं थूगुसी फागुन महिनाय् जुइगु नेपाल अन्तर्राष्ट्रिय चलचित्र महोत्सवया निक्वःगु संस्करणया नितिं फिल्म ल्यय्या निंतिं सिने पत्रकार , निर्देशक एवं उगु प्रतिष्ठानया उपाध्यक्ष विजयरत्न तुलाधर “असंबरे” या संयोजकत्वय् निस्वंगु छनौट समितियात शनिबार हे लसकुस याना पदभार समेत लःल्हागु खः ।

उगु छनौट समितिइ वरिष्ठ सुचना प्रविधीविज्ञ करुण थापा,ध्वनिविद् आलोक तिवारी,चलचित्र निर्देशक रामराजा दाहाल,चलचित्र छाँयाकार शबनम मुखिया,साहित्य समालोचक अभय श्रेष्ठ व सिने पत्रकार सुशील पौडेलयात दुजः कथं दुथ्याका तःगु दु ।

बुखँ व किपाः विजयरत्न असंबरे

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.