चःमति बहुउद्देश्यीय सहकारीया १२ औं वार्षिक साधारण सभा क्वचाल

 

 

ने‍ स‌ं ११३८ ञला गाः त्रयाेदशी

झीगु सम्वाददाता

चःमति बहुउद्देश्यीय सहकारी संस्था लि. (बचत तथा ऋण) या म्हिगः १२ औं वार्षिक साधारण सभा क्वचाःगु दु ।
संस्थाया नायः पूर्णकाजी ज्यापूया सभापतित्वय् म्हिगः जुगु उगु ज्याझ्वलय् ब्वनातःम्ह मू पाहाँयात ई स्वया लिबाक्क तक पिइगु ज्या जुगु खःसां  मू पाहाँ मेगु ज्याय् तक्यनाच्वंगु हुनि‌ मथ्यनिगु सूच‌ं वयेव‌ं  विशेष पाहाँकथं झायाच्वनादिम्ह क्षेत्र नं ७ या सभासद रामवीर मानन्धरजुं हे मू पाहाँया भूमिकाया सकतां ज्या पूवंकादीगु खः ।

किपाः रेखा शाक्य

मंगलधुनया लसय् सुकुण्डाय् मत च्याकेगुया लिसें मानन्धरजुं संस्थाया प्रतिवेदनया चिखिफ्यने ज्या नं यानादिगु खः । नेपाःया राष्ट्रिय धुनया लसय् नेपाःया ध्वाँय् ब्वयेकेगु ज्या भाजु मानन्धरपाखें जुगु खःसा चःमति नेवाः खलःया ध्वाँय् सभापति भाजु ज्यापूं ब्वयेकादिगु खः ।

किपाः रेखा शाक्य
किपाः रेखा शाक्य

ज्याझ्वलय् लेखा समिति मीना कुमारी श्रेष्ठपाखें लेखा प्रतिवेदन, दिनेश महर्जनपाखें कोषाध्यक्ष प्रतिवेदन, संस्थाया सचिव मन्दिरा महर्जनपाखें सचिव प्रतिवेदन प्रस्तुत याःगु खः ।

किपाः रेखा शाक्य

नापनापं संस्थाय् थःगु पाखें निरन्तरता बियाच्वनादिपिं गाहाकीपिन्त हःपा बिइगु कथं कोपिला बचत – बिरेश महर्जन, निरन्तरत बचत – रोहित श्रेष्ठ, आवधिक बचत –  लक्ष्मण महर्जनकर्जा कारोबार – मोतिकाजी महर्जन वय्कःपिं सकसितं सम्मान पत्र लःल्हागु खः । अथे हे दँय्दसं चःमति नेवाः खलः पाखें सम्मान छम्हसित जक बिइगु यानाच्वंगुलिइ थुगु दँय् निम्हसित सानु छोरी डंगोलराजेन्द्र श्रेष्ठयात सम्मान पत्र लःल्हाःगु खः ।

किपाः रेखा शाक्य

म्हिगःया ज्याझ्वलय् १५ वडाया अध्यक्ष ईश्वरमान डंगोल, वडा दुजःपिं आनन्द गौतम, निमा घ्याम्पो तामांग, मैया महर्जन, चःमति बहुउद्देश्यीय संस्थाया सल्लाहकार शंकरलाल मानन्धर, ईन्द्र महर्जन, कान्छाभाई ज्यापू, सहकारी निर्देशक शिव भट्टरार्इ, स्वयम्भु ज्ञानमाला भजन खलःया नायः तीर्थनारायण महर्जनया लिसें संस्थाया सकल जः दुजःपिनिगु सहभागिता दुगु खः ।

किपाः रेखा शाक्य

 

किपाः रेखा शाक्य

 

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.