fbpx

गुक्वःगू ईण्टरनेशनल एथलेट्स फोरमय् ब्वति काइपिंत बिदाइ ज्याझ्वः

नेपाल ओलम्पिक कमिटीया अध्यक्ष नापं प्रतिनिधि सभा सदस्य माननीय जीवन राम श्रेष्ठं गुक्वःगू ईण्टरनेशनल एथलेट्स फोरमय् ब्वति काइपिंत छगु समाराेहस बिदाइ यागु दु ।

ओलम्पियनपिं दिपक विष्ट व स्नेह राज्य लक्ष्मी राणां अन्तर्राष्ट्रिय ओलम्पिक कमिटीं आयोजना यायेत्यंगु गुक्वःगू ईण्टरनेशनल एथलेट्स फोरमय् ब्वति कायेत्यंगु खः ।

उगु फोरम थ्व हे अप्रिल १३ निसें १७ तक अन्तर्राष्ट्रिय ओलम्पिक कमिटीया मू ज्याकु स्वीट्जरलैण्डया लुसान नगरय् जुइत्यंगु दु ।

गुकि राणां नेपाल ओलम्पिक कमिटीपाखें प्रतिनिधित्व यायेत्यंगु खःसा विष्टं ईण्टरनेशनल एथलेट्स फोरमपाखें ओलम्पियन फोरमय् सहभागि जुइत्यंगु खः ।

उगु विदाई ज्याझ्वलय् अध्यक्ष श्रेष्ठं ओलम्पिक मुभमेण्ट्स व ओलम्पियनया महत्व बारे जः ह्वला दिगु खःसा सकरात्मक सोच तया सहभागी जुया लगनसिलतां गतिविधित सयेकेगु व उकियात नेपाःया परिवेशय् लागु यायेत धयादिल ।

उगु विदाई ज्याझ्वलय् मेडिकल कमिशनया अध्यक्ष डा.सरोज कृष्ण श्रेष्ठ, ओलम्पियन उमेश मास्के व नेपाल राष्ट्रिय तथा अन्तर्राष्ट्रिय खेलाडी संघया अध्यक्ष दिपक श्रेष्ठं नंं उपस्थिती दुगु खः ।

Leave a Reply

Your email address will not be published. Required fields are marked *