ख्वपया नवदुर्गा भवानी ११ दँ लिपा थिमिइ (फाेटाे फिचरया लिसें भिडियाे)

https://www.facebook.com/rajendra.manandhar.7906

 

ने सं ११३९ थिंलागाः पंचमी

ख्वपया नवदुर्गा भवानी ११ दँ लिपा थिमि बिज्यागु दु । दकलय् न्हापांगु पुजा फय्त येँया ग्वलय् अर्थात जयवागेश्वरी बिज्यागु खः । अन भैरव व पशुपतिनाथ व गुह्येश्वरीया पुजाया लिसें ग्वलय् न्हापांगु पुजा फयाः न्हापांगु प्याखं हुलेगु ज्या जूगु खः । अन लिपा यःमरि पुन्हिया सनिलय् ख्वपं थिमिया बालकुमारी थ्यंक बिज्यागु खः ।

दँय्दसं थें देश चाहुलेमाःगु परम्परा विगत ११ दँ न्ह्यःनिसें छुं छुं कारणंयाना थिमि बिज्यायेगुलि दिपा कयाच्वंगु खः । तर थुगसि ख्वपया मेयर व थिमिया मेयर मदन सुन्दर श्रेष्ठ उपमेयर अथेहे ४ नं वडाया अध्यक्ष कुमार श्रेष्ठया विशेष सक्रियताय् पुनः नवदुर्गा गण थिमि बिज्याये फइगु लकस ब्वलंगु खः । थुगु ज्या सुथां लाकेत स्थानीय थिमिया अन्य जनप्रतिनिधिया लिसें स्थानीयवासीया नं उलि हे गुहाली दुगु खः । तःदँ लिपा थिमिइ बिज्यागुलिं सकल थिमिया स्थानीयवासी तसकं लय्तागु दु ।

थिमि मुक्कं ७ न्हु च्वनेगु कथं बिज्यापिं देवगणपिं वंगु तृतीयाया न्हि कुन्हु मानन्धर युवा संघया संयाेजक्तवय् सकल जनप्रतिनिधि व स्थानीयवासीया गुहाली ग्वसाः ग्वःगु भाेजय् सहभागी जुइत सकल देवगणपिं बालकुमारीं थिमिया चाेडे मार्ग बिज्यागु खः । उगु इलय् स्थानीयवासीं बाजं थानाः लिसें बास लाया वसकलपिं सकसितं तःजिक भाेजय् बिज्याकुगु खः ।

किपाः रेखा शाक्य
किपाः रेखा शाक्य

 

 

किपाः रेखा शाक्य
किपाः रेखा शाक्य

किपाः रेखा शाक्य
किपाः रेखा शाक्य
किपाः रेखा शाक्य
किपाः रेखा शाक्य

भिडियाे नं स्वयादिसदिसँ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.