किस यायेगु गुलि फाइदाजनक दु




छिं जव किस यायेगु गुलि फाइदाजनक दु धका सिइ, अले छिं छिगु पाटर्नरयात किस यायेगु बहाना माला जुइ । किस यायेगु फाइदा छु छु दु थन न्ह्यबयातःगु दु ।

स्वापु बल्लाकेत
थ्व खँ ला सकस्यां सिउ जुइमाः जब निम्हेसिनं लिपलक यानाः किस याइ, निम्हेसिया दथुइ स्वापु क्वातुया वनी । किस यायेबलय् अक्सिटक्सिन धाःगु हार्मोन उत्पन्न जुइ गुकिं निम्हेसितं आत्मियता हयेत यक्व हे ग्वाहालि याइ ।

सेक्सुयल आनन्द
सेक्सं छिगु नुगः बल्लाकीगु जक मखुकि आत्मसम्मान व विश्वासयात ब्वलंकेत नं उतिकं हे ग्वाहालि याइ । किस यायेगु सेक्सया अहम क्रिया खः । अले सेक्सया इलय् किस यायेगु छगू न्ह्यइपुगु अनुभव खः ।

इम्युनिटि बढे याइ
दुबिनाः किस यायेबलय् लाः (¥याल)या आदान प्रदान जुइ । थुकिं शरीरय् दुगु ब्याक्टेरिया नं आदान प्रदान जुइ । निम्हेसिया म्हय् दइगु ब्याक्टेरिया मध्ये २० प्रतिशत ति ज्वः लाइमखु । थथे ज्वः मलाःगु ब्याक्टेरिया छम्हेसिया म्हं मेम्हेसिया म्हय् सरे जुइबलय् वयालिसे ल्वायेत शरीरं बिस्कं हार्मोन पिकाइ, थुकिं यानाः इम्युनिटि बढे जुइ ।

ख्वाःया चमक अप्वयेकी
किस यायेबलय् ख्वाःया चमक नं अप्वइ । किस यायेबलय् ख्वाःया स्वीगू मसल्सं ज्या याइ । उकिं याना ल्याय्म्ह खनेदयाच्वनी ।

ब्लड प्रेशर व कोलेस्ट्रोल नियन्त्रणय् तइ
नियमित किस याइपिनिगु शरीरय् एड्रेलिन धाःगु हार्मोन उत्पन्न जुइ, गुकिं ब्लड प्रेशर, कोलेस्ट्रोलयात नियन्त्रणय् तइ । ३० मिनेटतक किस यात धाःसा हिइ दइगु एलजिईया मात्रा अप्वइ, गुकिं एलर्जी म्हो यायेत ग्वाहालि याइ ।

लय्ताइ
किस यायेबलय् एन्डोफिन्स व एन्ड्रोफिन्स धाःगु हार्मोन पिहांवइ । थुकिं छगू बिस्कं कथंया लसता महशुस जुइ । छुं कथंया डिप्रेशनय् दुसा साइक्राय्ट्रिस्ट नापलानाः वासः नयेगु पलेसा किस यानादिसँ ।

स्याःगु म्हो जु
किस यायेगु इलय् एड्रेलिन नांया हार्मोन बुया वइ । थ्व हार्मोनं स्याःगु म्हो यायेत ग्वाहालि याइ । निम्हेसिनं तसकं आत्मिय रुपं लिप लक यानाः किस यायेबलय् छ्यं स्याःगु निसें कयाः चि–चिधंगु स्याःचाः लनावनी ।

तनाव म्हो जुइ
न्हिछि ज्या यानाः त्यान्नुइ, उकिया कारण खः – कोर्टिसल हार्मोन । थ्व हार्मोनयात स्ट्रेस हार्मोन नं धायेगु या । किस यायेगु इलय् शरीरय् थ्व हार्मोनया लेभल म्हो जुइ अले इम्युन सिस्टम व न्ह्यपु नं बलाना वइ । उकिं तनाव म्हो यायेगु खःसा थः पाटर्नरयात किस यानादिसँ अले तनाव म्हो यानाः याउँक च्वनादिसँ ।

क्यालोरी म्हो यायेत
किस यानाः ट्रेडमिलय् ब्वाँय् वनेबलय् थें ला क्यालोरी म्हो जुइमखु अय्नं छिगु मेटाबलिज्म निदुगं अप्वइ । न्हिछिया दुने छिगु शरीरं गुलि क्यालोरी म्हो याइगु खः, उगु प्रक्रियायात मेटाबलिज्म धाइ । छुं जुयाः जिम वने मास्तेमवल धाःसा उकुन्हु थः पार्टनरयात किस यानादिसँ । धैर्यतापूर्वक ताःईतक किस यानादिसँ अले थौं जिम वने धुन धकाः तायेकादिसँ । किस यायेबलय् हरेक मिनेटय् २ गू निसें ६ गू क्यालोरी तक म्हो जुइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: