किड्स क्यापिटल–२०१८-अन्तरक्रिया ज्याझ्वः

११३८ बछलाथ्व सप्तमी/येँ

टी एस फिल्मया ग्वसालय् न्ह्यानाच्वपंगु टिएस फिल्म किड्स क्यापिटल–२०१८ अन्तर्गत म्हिगः शनिवाः बानेश्वरय् च्वंगु संगमचोकया नँया नेपाल समाज केन्द्र नांयागु बालगृहलय् किड्स क्यापिटक-१८ या ब्वति कयादीपिं मस्तय्गु दथ्वी छगू अन्तरक्रिया लिसें समाजसेवा ब्वलंकेत थीथी हलंज्वलं इनेज्या ज्याझ्वः क्वचाःगु दु ।

किपा रीदेन महर्जन

थुगु ज्याझ्वल् टी एस फिल्मया नायः लिसें कालकार यसराज गराजया कथं देय्या कर्णधार मस्तय्गु व्यतित्व विकासया नितिं ज्याझ्वः न्ह्याका च्वनागु लिसें मां अबुया मतिनापाखें तापाना च्वंपिं असहाय मस्तय्त वइगु दिनसं सेवा बिइगु लिसें टी एस या–२०१९  निसें थुगु संस्थाय् ब्वनाच्वंपि ब्वमिपिन्त आखः ब्वंकेत स्कलरशिपया व्यवस्था यायेगु योजना दूगु खँ न्ह्यथनादिल ।

ज्याझ्वलय् किङ्ग कम स्पोर्टस क्लब भिमसेन गोला—३१, येँया नायः भाजु राजेस गुरुङ्गं खेलकुदया हलंज्वलं लः ल्हानादीगु खःसा गायक, मोडेल सुरेन्द्र आमात्यं असहाय मस्तय्गु नितिं बिस्कुट लः ल्हाना दीगु खः ।

किपा रीदेन महर्जन

अथेहे १५० म्हेसित भोजन व्यवस्था नकेगु लिसें असहाय मस्तय्त न्ह्यापुइकेत प्याखं हुलेगु, मोललिङ्ग लिसें व्यक्तित्व विकास या ज्याझ्वः  नं जूगु खः ।
नँया नेपाल समाज केन्द्रया नायःया कथं थौं सिबें झिदँ न्ह्यः अर्थात वि.सं. २०६४ सालय् हामा मदुपिं मस्तय्त सहारा बिइगु तातुनां संस्था पलिस्था जूगु व  मां अबु मदया असहाय जूपिं मस्तय्त मतिना बियाः भविष्य सुनिश्चित यायेगु आज्जुं  पलिस्था नीस्वनागु खँ धयादिगु खः  । थुगु संस्थाय् थौंकन्ह ८० म्ह मस्तय्त सुसा कुसा यायेगु आखः ब्वंकेगु याना वइच्वंगु जानकारी नं बियादील।

किपा रीदेन महर्जन

ट्यालेन्ट शाेलय् ४७ म्ह मस्तय्सं ब्वति कयादीगु खःसा लच्छि न्ह्यसः निसें थुगु ज्याझ्वः न्ह्यानाच्वंगु खः । थुगु ट्यालेन्ट सो ज्याझ्वःया फाइनल वइगु बैशाख १५ गते राष्ट्रिय नाचघरय् करिब २ः३० ताः जुइगु संस्थाया इभेन्ट म्यानेजर जोर्डन राजभण्डारीं जानकारी बियादीगु दु ।

बुखँ व किपाः रीदेन महर्जन

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.