fbpx

काठमाडौं महानगरपालिकाया प्रवक्ताय् १५ वडाध्यक्ष ईश्वरमान डंगोल

येँ। येँ महानगरपालिकाया प्रवक्ताय् आइतवाःनिसें १५ वडाया निर्वाचित जनप्रतिनिधि ईश्वरमान डंगोल ल्यःगु दु । ताःर्इनिसें कर्मचारीया एकछत्र राज यानावयाच्वंगु येँ महानगरपालिकाया प्रवक्ताय् बल्ल जनप्रतिनिधिं जिम्मेवारी कायेखंगु खः ।

येँ महानगरपालिकाया आइतवाः च्वंगु कार्यपालिका बैठकं प्रवक्ताय् सूचना प्रविधि समितिया संयोजक नापं जुयादिम्ह डंगोलयात प्रवक्ताया जिम्मेवारी ब्यूगु खः । नव–नियुक्त प्रवक्ता येँ महानगरपालिका वडा नं. १५ या तसकं हे लाेकह्वाःम्ह वडा अध्यक्ष खः ।

वडा नं. १५ सम्रग विकासय् समर्पित जुयावयाच्वम्ह वडा अध्यक्ष डंगोलयात अाः येँ महानगरपालिका दुने जुइगु दक्वः गतिविधि अले समाचारया अपडेट छगूद्वार नीति कथं बिइगु जिम्मेवारी वःगु दु । डंगाेलं उगु जिम्मेवारीयात बांलाक पूवंकेगु प्रतिबद्धता प्वंकूगु दु ।

अाः येँ महानगरपालिका नाप छु नं कथंया सूचना अले जानकारी कायेमाःसा प्रवक्ता डंगोलनाप कायेफइगु महानगरपालिकां धाःगु दु ।

Leave a Reply

Your email address will not be published. Required fields are marked *