कलंकी निसें नागढुंगाया लँपु १- ३ घण्टा तक बन्द जुइगु

११३८ दिल्ला थ्वः एकादशी

झीगु संवाददाता 

थौं कलंकीया स्थानीयवासीपिं स्वस्फूर्त रुपं सतकय् कुहाँ वःगु दु । स्थानीयवासीपिन्सं सतकया दथुइ चा द्वं प्वंकाः विरोध  न‌ं याना च्वंगु दु ।

किपाः सामाजिक संजाल

स्थानीयवासी उत्तम कार्कीया  धापू  कथं  कलंकीया सतक दयेकेगु धकाः ज्या यानाच्व‌ंगु  सम्झाैता कथ‌ं इलय् क्वमचायेकुगुलिं तक्वः मछि‌ं सम्बन्धितया ध्यान सालेगु कुतः याना न‌ं छुं हे ज्या मजू ।  थाैं  ११०० न्हि दये धुंकल  नं न्हिया न्हिथं हजारौं सवारी साधन येँ वये वने याइगु लँपु शैलुंग कन्सट्रक्शनं प्रा लिं ठेक्का कयाः इलय् क्वमचाय्कुगुलिं याना न्हिथं धइथें सवारी दुर्घटनाया लिसें सुं नं सुं घाःपा जुया च्वंगु दु  ।  सिना च्वंगु दु । उकिं जिमिगु लँपु जिमिसं हे दय्के । गालय् चां जिमिसं हे जायेके धकाः नारा ज्वना सकलें मुना चा द्वंयात सतकय् तयागु खः ।

जिमिसं लँ बन्द यानागु मखु बरु चा तयासां गाः जुयाच्वंगु थाय् यात माथं वंका च्वनागु खः । उकिं थाैं जुया च्वंगु थुगु ज्यां लँपुइ अवराेधं वया यक्वसित बाधा जुइगु स्वभाविक खः । तर थुकियात छिगु जिगु नितिं जक मखसें झी सकसिगु नितिं थाैं सतकय् कुहाँ वयेमाःगु खः धकाः थुइका दिइत  कार्कीं इनाप नं यानादीगु दु ।

उकिं थौं सुथनिसें हे कलंकी नागढुंगाया सवारी आगमनय् नं बाधा जुयाच्वंगु  दु  । तर अत्यावश्यक सवारी साधनयात धाःसा लँपु दयेकाः हे नं सतकं गाडी पासा याना बिया च्वंगु दु । ।  स्थानीयवासीं लँ बन्द जुगु हुनिं सकसितं जुइगु बाधा अवरोधया नितिं क्षमा नं फ्वंगु दु ।

श्राेतः  किपाः व बुखँ – सामाजिक संजाल उत्तम कार्कीया लाइभ भिडियाे पाखें

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.