ऐतिहासिक महत्वं जाःगु धिमेलोहं

११३८ सिल्लागा अामै/येँ

येँ महानगरपालिका वडा नं १५ य् दुगु धिमेलोह छगू ऐतिहासिक व पौराणिक महत्वं जागु थाय् खः। येँय् न्यायेकीगु गुँलाधर्म नाप नं ऐतिहासिक रुपं स्वानाच्वंगु थुगु थाय्यात स्थानीयतय्सं यक्वः महत्वकथं कयातःगु दु ।

किम्बदन्ती अनुसारं मञ्जुश्री पाखें स्वनिगलय् मानव बस्ती दयेकेधुंकाः थन ताःईतक नं वा मवःगु जुया, वायुमण्डलय् ध्वनीया माध्यमं कम्पनयाना वा वयेकेत बाजंलिसें थ्व पर्व न्यायेकूगु खः ।

वहे पर्व न्यायेकेगु झ्वलय् छम्ह स्थानीय मनू नं आः धिमेलोहं दुगु थासय् थ्यंका थम्हेसियां म्वः मल्हुनीगु जुया बाजं अनसं हे त्वता न्ह्यःने दुगु पुखुली म्वः ल्हुया वबलय् बाजं लोहंतय् हिलाच्वंगु खनेवं थ्व थाय्यात आःतक नं धिमे लोहंया कथं पुजा यानाः वयाच्वंगु स्थानीय क्लवया अध्यक्ष ज्ञानेन्द्र रत्न बज्राचार्यया धापु दु ।

थ्व थासय् स्वउत्पन्न जूगु स्वयम्भु नाप नापं मेमेगु नं पौराणिक धार्मिक स्थलत नं दुगु जुया धिमेलोहंयात सम्पदा मार्गया छगू महत्वपूर्ण स्थलया रुपय् विकास यानाः यंकीगु संयुक्त क्लबया छ्याञ्जे निरज श्रेष्ठं धाल ।

फोटो सौजन्य : राजेन्द्र चित्रकार

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.