ऐतिहासिक तथा साँस्कृतिक नगरी तोखायात पर्यटन मैत्री दयेकीगु (फाेटाे फिचर)

११३८ गुँला थ्वः दुतिया/येँ

झीगु सम्वाददाता

ऐतिहासिक तथा साँस्कृतिक नगरी तोखायात “पर्यटन मैत्री “दयेकीगु उद्घोष याःगु दु ।

तोखा संस्कृति सम्पदा संरक्षण दबू व नेवाः गुथि तोखाया मंकाः ग्वसालय् म्हिगः जुगु  झ्वलय् वाङ्गमय शताब्दी पुरुष डा‍‍‍. सत्यमोहन जोशीयात नागरिक अभिनन्दन नं याःगु खः ।

किपाः रेखा शाक्य

तोखा नगरपालिका वडा नं. २ या वडा अध्यक्ष दीपकराज जोशीं ज्याझ्वलय् तोखायात पर्यटन मैत्री दयकेत माःगु आवश्यक बजेटया लिसें कार्यपत्र नं न्ह्यब्वःगु खःसा, तोखा संस्कृति सम्पदा संरक्षण दबूया अध्यक्ष मनिराज डंगोलं ज्याझ्वय् लसकुस यासें मन्तब्य तय्गु झ्वलय् तोखा व समग्र नेपालया साँस्कृतिक पर्यटन विकासया नितिं तयार यागु नेपाल समृद्धिको स्रोत पहिचान र परिचालन राष्ट्रिय अभियान नांंया कार्यपत्र संग्रह सफूया संक्षिप्त भाव ब्वना न्यंकादिगु खः ।

किपाः रेखा शाक्य

वाङ्गमय शताब्दी पुरुष डा‍‍‍. सत्यमोहन जोशीयात नागरिक अभिनन्द यायेगु झ्वलय् म्हिगः येँया शान्तिवाटिकांनिसें बग्गिलय् तयाः तोखाया मौलिक बाजागाजाया लिसें अापाल‌ ताेखावासीं  पुतलीसतक जुया नेपाल पर्यटन वोर्ड तक र्याली याना हःगु खः ।

किपाः रेखा शाक्य

शताब्दी पुरुष डा. सत्यमोहन जोशीजुं तोखाया गणेश व कुमारीयात स्वामालं क्वखायेकाः त्वाः देवाय् मत च्याकाः विधिवत रुपं ज्याझ्वःया उलेज्या यानादिगु खः । अथहे उगु ज्याझ्वःया मू पाहाँ उपप्रधान तथा रक्षामन्त्री इश्वर पोखरेलजुं जोशीयात विशेष हने कथं दोसल्ला न्यय्के धुंकाः सम्मानपत्र नं लःल्हानादीगु खः ।

किपाः रेखा शाक्य
किपाः रेखा शाक्य

ज्याझ्वलय् मू पाहाँ पोखरेलजुं एकिकृत रुपं तोखा लागाया विकास व संरक्षण यायेगुया नितिं व्यवस्थित रुपं योजनाया खाका दयेकाः हल धाःसा थःम्ह बजेटया निकासा यायेगु जिम्मा कायेगु प्रतिबद्धता प्वंकादिल । अथेहे नेपाल पुरातत्वविभागया भेषनारायण दाहालजुं नं तोखाया विकास यायेगुया लिसें तोखायात पर्यटन क्षेत्रकथं हलिंन्यंक प्रसिद्धि दयेकेत समग्र तोखावासीया एकबद्धताया विशेष रुपं प्रशंसा यानादिल ।

किपाः रेखा शाक्य

अथेहे सम्मानित व्यक्तित्व जोशीं तोखाया ऐतिहासिक महत्वयात कयाः नुगः खँ प्वंकादिसें तोखाया जिम्मेवार ब्यक्तित्वपिनिगु कुतलय् तोखाया मौलिक सांस्कृतिक धरोहरयात महत्वयात बिया पर्यटन मैत्री क्षेत्र दयेकेत्यंगु ज्या तसक‌ं प्रशंसनीय खँ धयादिल । लिसें थःत सम्मान यानादिगुलिं सकल ताेखावासीयात सुभाय देछाया दिल ।

किपाः रेखा शाक्य

उगु हे ज्याझ्वलय् तोखा नगरपालिकाया प्रमुख प्रकाश अधिकारीं तोखायात विकसित यानाः म्हसिका ल्यंका तयेगु नितिं नगरपालिका सदां नापं दइगुया लिसें आगामी दिनय् तोखाय् यायेमानिगु व याये धुनागु ज्याखँयात न्ह्यब्वःयादिगु खः ।

म्हिगःया उगु हे ज्याझ्वलय् तोखाया गणेश, कुमारीयात संरक्षण यायेतया लिसें थी थी बाजंखलः पुचःयात नं छगू छगू लख ध्यबाया चेक हस्तान्तरणया लिसें सम्मान पत्र लःल्हानादिल ।

किपाः रेखा शाक्य

उगु ज्याझ्वलय् येँया उप मेयर हरिप्रभा खड्गी श्रेष्ठ, तोखाया उप प्रमुख ज्ञानमाया डंगोल, ताेखाया १ निसें ११ वडाया वडा अध्यक्षपिं, ग्वसाखलःया अध्यक्षपिं मनिराज डंगोल, नेवाः गुथिया अध्यक्ष देवराज लगायत अन्य विशिष्ट व्यक्तिपिनिगु सहभागिता दुगु खः  ।

किपाः रेखा शाक्य
किपाः रेखा शाक्य
किपाः रेखा शाक्य
किपाः रेखा शाक्य

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.