१५ वडाया १५ दिने उद्घोषण तालिम क्वचाल

येँ महानगरपालिका वडा नं. १५ या ग्वसालय १५ दिं यागु उद्घोषण तालिम थौं छगू ज्याझ्वःयाना क्वचायेकूगु दु ।

१५ वडाया नायः भाजु ईश्वरमान डंगोलया सभापतित्वय जूगु उगु ज्याझ्वलय् मूपाहाँकथं संघीय सभा सदस्य जीवनराम श्रेष्ठ झायादीगु खः। झिंन्यान्हु तक न्ह्याःगु उगु उद्घोषण तलिम ज्याझ्वः १५ वडा सदस्य मय्जु मैयाँलक्ष्मी महर्जनया संयोजकत्वय् जूगु खः ।

समापन ज्याझ्वलय् मूपाहाँ श्रेष्ठपाखें तालिम कायेधुंकूपिं भाजु मय्जु पिन्त दसिपौं लःल्हानादीगु खः । उद्घोषण तालिम हरेक नागरिकं कायेमाःगु तालिम खः थुकें मनूतय्गु व्यक्तित्व विकास निसें कयाः थःगु न्हिया न्हिथं जीवनयापनय् तक नं तसकं हे बांलाःगु लिच्व लाकी धकाः ज्याझ्वलय् मूपाहाँ भाजु श्रेष्ठं कनादील ।

वडाया सामुदायिक भवनय् न्ह्याःगु उगु उद्घोषण तालिमय् ५० म्हेसियां तालिम कयादीगु खःसा भाजु नरेश मल्लं तालिम बीयादीगु खः । समापन ज्याझ्वलय् वडा सदस्यपिं नाप डल्लु अवास स्थानीय सहयोग समितिया नायः भाजु राजु शाक्यया नं उपस्थिति दूगु खः ।

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.