ईलोहं नेपालभाषा मचा साहित्य सम्मेलन ११३८

११३८ अनलागा  पंचमी/येँ

ईलोहं प्रकाशनया झिंच्यादँ बुदिंया लसताय् थीथी ज्याझ्व व सिरपा लःल्हाःगु दु ।  शनिबार नेपाः ब्यांक्वेटय् निक्वःगु ईलोहं नेपालभाषा मचा साहित्य सम्मेलन ११३८ व ईलोहं हना ज्याझ्वः यागु खः ।

किपा शरण ज्यापू हरि

ईलोहं नेपालभाषा साहित्य सम्मेलनय् मुक्कं २०गू स्कुल पाखें ७८ म्ह विद्यार्थीपिन्सं साहित्य वाचन याःगु खः । थुगु साहित्य सम्मेलनय् च्वखँ, बाखं व चिनाखँ याना स्वंगू बिधाय् वाचन लिसें धेंधेंबल्ला नं जूगु खः । साहित्य सम्मेलनय् मुक्कं ४२पू चिनाखँ, १४पू बाखं व २२पू च्वखँ वाचन याःगु खः ।

चिनाखँ पाखे श्री माहांकाल मा विया १०गू तगिंया यज्जु जोशी न्हाप, शेख सालेहा कन्यामन्दीर मा वि (८ तगिं) ल्यू, रमिता न्यौपाने शान्ति निकुंज स्कुल(८ तगिं) लियांल्यू व सुमिना शाही एकेडमि अफ सेक्रेड हार्ट (८ तगिं) हःपाः सिरपा त्याकादीगु खः ।

किपा शरण ज्यापू हरि

च्वखँ पाखे श्री माहांकाल मा वि या (९ तगिं) ख्वाहिस परवीन न्हाप लाःगु खः । जगतसु्न्दर ब्वनेकुथिया सचेतना मानन्धर (९ तगिं) ल्यू, लियांल्यू कंचन श्रेष्ठ (८ तगिंया) कान्ति इश्वरी मा वि व हःपाः सिरपा श्री कुमारी मा विया हिसिला श्रेष्ठं (१० तगिं) त्याकादीगु खः । बाखंपाखे कन्या मन्दीरया शशि कार्की (९ तगिं) न्हाप सिरपा त्याकादीगु खः ।

जगत सुन्दर ब्वनेकुथिया रीजा महर्जन (१० तगिं) ल्यू, श्री महांकाल मा विया सुनयना शाक्य (९ तगिं) लियां ल्यू व एकेडेमी अफ सेक्रेड हार्टया श्रृष्टि शाही (१० तगिं) हःपा सिरपा त्याकादीगु खः ।

किपा शरण ज्यापू हरि

थुगु सम्मेलनय् निर्णायक पुचःलय् नेपालभाषा केन्द्रीय विभागया उपप्रा ईश्वरी मैंया श्रेष्ठ, उप प्रा रास जोशी व शिक्षक शरद कसाःच्वनादीगु खः । सिरपा त्याःपिंत दातापिं मदुम्ह मंगलप्रसाद श्रेष्ठ, केदारनारायण मानन्धर व सुर वहादुर श्रेष्ठपाखें निस्वनातःगु सिरपा कथं नगद लःल्हागु खः । ज्याझ्वलय् पाहां कथं लक्ष्मीदास मानन्धर, मथुरा साय्मि, दिपक तुलाधर झायादीगु खः ।

किपा शरण ज्यापू हरि

ईलोहं प्रकाशनया प्रबन्ध निर्देशक नरेशवीर शाक्यया सभापतित्वय् न्ह्यागु सम्मेलनय् ईलोहं प्रकाशनया ब्यवस्थापक दर्शनवीर शाक्यं लसकुस न्वचु वियादीगु खः ।

 

किपा शरण ज्यापू हरि
किपा शरण ज्यापू हरि

बुखँ दर्शनवीर शाक्य

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.