इन्दिजिनियस टेलिभिजया निक्वःगु वार्षिकोत्सव थ्वहे श्रावण २२ गते

११३८ दिल्ला गाः अष्टमी

झीगु सम्वाददाता

इन्दिजिनियस टेलिभिजया निक्वःगु वार्षिकोत्सव थ्वहे श्रावण २२ गते येँया राष्ट्रिय नाचघर जमलय् न्हिनसिया १२।३० स विविध साँस्कृतिक ज्याझ्वःया ग्वसाः ग्वसें हनेत्यंगु दु ।


नेपाली समाजया विशिष्टता कथं भाषिक विविधतां जाःगु टेलिभिजन इन्दिजिनियस टेलिभिजन खः । २०७१ साल चैत्र २० गते नेपाल सरकार, सूचना तथा सञ्चार प्रविधि मन्त्रालयपाखें इजाजत प्राप्त याना २२ औं आदिवासी दिवस ९ अगष्ट २०१६ निसें थःगु प्रसारण न्ह्याकुगु खः । थौंकन्हय् २४ घण्टा विविध भाषां समाचारमूलक, शिक्षामूलक व मनोरञ्जनात्मक ज्याझ्वःत उत्पादनयाना प्रसारण यानाच्वंगु दु ।

थुगु टेलिभिजनं विविध भाषायात मान्यता बिइकथं नेपाली, अंग्रेजी, चाईनिज, नेपालभाषा, तामांग, राई वान्तवा, चाम्लिंग, कुलुंग, शेर्पा, लिम्बु, सुनुवार, माझी, दनुवार, थामी लगायत १३ गू भाषं समाचार बिइगु ज्या यानाच्वंगु खँ नेपालभाषा विभागया शैलेश डंगोलजुं झीगु डटकमया सम्वाददातायात जानकारी बियादीगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.