इनाखाय् हिदान ज्याझ्वः

११३८ अनलाथ्व पंचमी/येँ

“थःगु त्वाःबहाः यचुपिचु यायेगु खःसा मेपिसं वयाः सफा याना बिइ धकाः च्वनेगु पलेसा त्वाः बहाःयापिं हे सक्रिय जुसा थुकिं सकसित‌ं भिं जुइगु खँ येँ महानगरपालिकाया मेयर भाजु विद्यासुन्दर शाक्यजुं म्हिगः इनाखा युवा क्लब व भोटेबहाल तयारी पोशाक उत्पादक तथा विक्रेता संघया मंकाः ग्वसालय् जुगु २५६२ क्वःगु बुद्धजयन्तीया लसताय् शनिवा तःजिक हिदान ज्याझ्वः जुगुया ज्याझ्वलय् थःगु नुगः खँ तयादीगु खः ।”  नापं बिचाः प्व‌ंकेगु झ्वलय् यदि सदांया नितिं त्वाःबहाः यचुपिचु याना स्वस्थ्य जीवन हनेगु खःसा त्वाःया स्थानीय बासी नापनापं व्यापारीतय्सं न्ह्यःनेलाःथाय् न्ह्यनेलाःथें फोहर वांछ्वयेगु यात पनाः कन्टेनरं फोहर काःवइगु इलय् जक फोहर व्यवस्थित रुपं वांछ्वयेगु निति‌ं सूचं बिया उकियात कार्यान्वयन यायेगु पाखे पलाः न्ह्याकादिसँ धयादिल ।

क्लबया नायः बबी रञ्जितया नायःसुइ उगु ज्याझ्वलय् मूपाहाँ येँ महानगर पालिकाया मेयर बिद्यासुन्दर शाक्यं मुँज्या नायः रञ्जितयात हि तयेगु म्हिचा लः ल्हागु खः ।

ज्याझ्लय् नेपाल राष्ट्रिय व्यवसायी महासंघया न्वकू नैन बहादुर पण्डित क्षत्री, भोटेबहाल तयारी पोशाक उत्पादक तथा विक्रेता संघया नायः चन्द्रबहादुर लामिछाने, चाइना व्यापार संघया न्वकू भीमभक्त श्रेष्ठ, लजिष्टीक एसोसिएसनया नायः कुमार थापा, कामनापा वडा नं। २१ या नायः उदय चुडामणि बज्राचार्य, ब्लड डोनर्स एशोसिएसन नेपालया दांभरिं मचाकाजी महर्जन, नेपाल राष्ट्रिय व्यवसायी महासंघया ल्यूछ्याञ्जे हरि गौतम, चौधरी ट्रेडर्सया प्रोप्राइटर प्रमोद चौधरीपिसं ब्वति कयादीगु खः ।

मिसा हिदाता व मिजं हिदाता याना मुकं ८८ म्ह हि दातापिसं म्हिगः हिदान याःगु खः ।

बुखँ अमीर मैंया रञ्जित

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.