इतुंबहाःया दिगु छेँ पुनः निर्माणया झ्वलय् जग नी स्वन

ने.सं. ११३९ कछला गा पारु शनिबाः / येँ

म्हिगः सकिमिला पुन्हिया पूण्य दिनस ऐतिहासिक बहाः श्री भाष्करदेव संस्कारित केशचन्द्र कृत पारावर्त महाविहार इतुंबहाःया दिगु छेँ पुनः निर्माणया नितिं जग नी स्वनेगु ज्या जुल । उगु जग नी स्वनेगु ज्या मू पाहाँ येँया मेयर विद्या सुन्दर शाक्य पाखें जूगु खः ।

किपाः विनाेद तुलाधर

जग नी स्वने धुंकाः जुगु ज्याझ्वः क्या चन्द्रबहादुर शाक्यया नायसुइ न्ह्यागु ज्याझ्वलय् मेयरया लिसें सांसदपिन्सं नं नुगः खँ तयादीगु खः ।  ज्याझ्वलय्  इतुंबहाःया  हनेबहःपिं थाय्पापिं नजरमान शाक्य, सिद्धिबहादुर शाक्यया लिसें सांसदपिं जीवनराम श्रेष्ठ, प्रदेश सभाया सभासद राजेश शाक्य, रामवीर मानन्धर, २४ वडाया वडा अध्यक्ष बालकृष्ण श्रेष्ठ व १५ वडाया अध्यक्ष ईश्वर डंगोलयालिसें स्थानीयवासीपिं नं उपस्थिति दुगु खः ।

किपाः विनाेद तुलाधर
किपाः विनाेद तुलाधर

उगु दिगु छेँ दनेगुया नितिं हनुमानढोका दरवार क्षेत्र संरक्षण कार्यक्रमपाखें १८ महिनाया दुने दनेगु कथं श्री इन्द्रायणी ए टू जेड जेभीयात ठेक्कां बिउगु दु ।

किपाः विनाेद तुलाधर

https://www.facebook.com/rajendra.manandhar.7906

अथेहे का.म.पा.२४ वडा रत्नकिर्ती महाबिहार मखंबहाःया ग्वासालय् म्हिगः हे मुक्कं ३८ म्ह मिसामस्तय्गु इहि ज्या झ्वः नं सम्पन्न जूगु दु ।

किपाः विनाेद तुलाधर

बुखँ ः विनाेद तुलाधर

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.