इंग्ल्याण्ड व क्रोयसिया सेमिफाइनलय्, आयोजक रसिया नं विश्वकपं पिने

११३८ तछला गाः दशमी

इंग्ल्याण्ड व क्रोयसिया सेमिफाइनलय्, आयोजक रसिया नं विश्वकपं पिने

विश्वकप २०१८ अन्तर्गत म्हिगः नं क्वाटर फाइनलया निगू कासा क्वचाःगु दु । न्हापांगु कासाय् इंग्ल्याण्डं स्वीडेनयात व क्रोयसियां आयोजक रसिया यात बुकाः सेमिफाइनलय् थ्यंगु दु । आः वइगु बुधबाः इंग्ल्याण्ड व क्रोयसिया दथुइ फाइनलय् वनेगु लागि धेँधेँ बल्ला जुइ ।

किपाः रियुटर्स

म्हिगः क्वचाःगु न्हापांगु कासाय् इंग्ल्याण्डंं स्वीडेनयात २–० गोलं बुकुगु दु । दिपा न्ह्यः ह्यारी मागुइरं ३० औं मिनेटय् गोल याःगु खःसा दिपा लिपा ५८ औं मिनेटय् डेले अलिं गोल याःगु खः । सन् १९६६, सन् १९९० व थुगुसि नापं इंग्ल्याण्ड ३ क्वः सेमिफाइनलय् थ्यंगु दु ।

किपाः रियुटर्स

अथेहे म्हिगः हे क्वचाःगु मेगु कासाय् क्रोयसियांं आयोजक रसियायात २(४)–२(३) गोलं बुकुगु दु । अत्यन्त रोचक कासाय् रसियाया डेनिस चेरिसेभं ३१ औं मिनेटय् गोल यानाः अग्रता काल । ३९ औं मिनेट्य् क्रोयसियाया एन्ड्रेजं गोल यानाः कासा १–१ या बराबरीइ हल । दिपा लिपा नं कासाय् बराबरी जुगुलिं कासा थप ई दुने वन । थप ई या क्रोयसियाया डोमागोलं गोल थ्वाना २–१ या स्थिति थ्यंगुयात रसियाया फर्मान्डेसं ११५ औं मिनेटय् गोल यासें २–२ या बराबरी सिधगुलिं कासा पेनाल्टी सुट आउटय् वंगु खः । गुकिइ क्रोयसियां ४–३ या बाजि मारे यासें सेमिफाइनलय् थ्यंगु दु । सन् १९९८ या कासा धुंकाः क्रोयसियाया विश्वकप यात्राया थ्व निक्वःगु सेमिफाइनल यात्रा खः ।

किपाः रियुटर्स

आः वइगु मंगलबाः फ्रान्स विरुद्ध बेल्जियम दथुइ व बुधबाः इंग्ल्याण्ड विरुद्ध क्रोयसिया दथुइ सेमिफाइनलया कासात जुइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.