आयोजक रसिया व उरुग्वे प्रिक्वार्टरफाइनलय् पक्का

११३८ तछलाथ्व अष्टमी

विश्वकप २०१८ या झ्वलय् म्हिगः उरुग्वे नं साउदी अरबयात १–० गोलं बुकुसेंलि समूह “क” पाखें आयोजक रसिया व उरुग्वे प्रिक्वार्टरफाइनलय वनिगु पक्का जुगु दु । साउदी अरबं म्हिगःया कासाय् न्हापांगु कासाय् स्वयां म्हिगःया कासाय् यक्व सुधार यागु खने दु । दिपाःन्ह्य तक छगू गोलं ल्यूने लाःगु खसां कासाया अन्तिम इलय् तक कासाय् थःगु फर्मय् वयेत यक्वः कुतः यागु खः ।

किपा रियुटर्स

अथेहे म्हिगः हे जुगु पोर्चुगल व मोरोक्काे दथुया कासाय् पोर्चुगलं १–० गोलं हे मोरोक्को यात बुकुगु खः । कासा न्ह्याना प्यंगूगु मिनेटय् हे रोनाल्डों याःगु गोल हे निर्णायक जुल । रोनाल्डोया गोल ल्याः आः ४ जुया दक्कलय् अप्व गोल थ्वाम्हः कासामितय् दथुई न्हाप लानाच्वंगु दु ।

किपा रियुटर्स

म्हिगः हे जुगु लिपांगु कासाय् स्पेनं इरानयात नं १–० गोलं हे बुकुगु खः । वर्ल्डकपया छम्ह दावेदारयात इरानं गजब नक्सा टक्कर व्यूगु खसां स्पेनया डियगो कोस्टां ५४ औं मिनेटय् थ्वागु गोलं स्पेन त्यासेंलि प्रिक्वार्टरय् वनेत लँ बल्लाकुगु दु ।

किपा रियुटर्स

थौंया कासा डेनमार्क व अष्ट्रेलिया (५ः४५ ताःइलय्), फ्रान्स व पेरु (८ः४५ ताःइलय्) व अर्जेन्टिना व क्रोयसिया (११ः४५ ताःइलय्) दथुइ जुइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.