आः देशयात समृद्धिपाखे यंकेत जायेमाः

११३८ थिंलाथ्व चतुर्दशी

आसन्न प्रदेश सभा निर्वाचनया नितिं येँ क्षेत्र नम्बर ८ (१)य् नेपाली कांग्रेसपाखें प्रत्यक्ष उम्मेदवारी बियादीम्ह नेतृ राज्यलक्ष्मी श्रेष्ठं आः दलतय्‌सं आरोप प्रत्यारोप त्वःतेमाःगु धयादीगु दु ।

झीगु.कमलिसे खँ ल्हासें नेतृ श्रेष्ठं आः दलतय्‌सं यानाजूगु आरोप प्रत्यारोपयात त्वःताः देश निर्माणय् जायेमाःगु खँय् बः बियादिल ।

देशय् लोकतन्त्र गणतन्त्र व संघीयता वयेधुंकूगु अवस्थाय् आः जुइगु प्रतिनिधि सभा व प्रदेश सभा निर्वाचनं प्राप्त उपलब्धियात संस्थागत याइगु धासें श्रेष्ठं आः सकलें जानाः देशयात समृद्धिपाखे यंकेमाःगु बिचाः तयादिल ।

वर्तमान इलय् ल्याय्‌म्हत लिसें मिसात नं लजगाःया नितिं देशं पिहांवनीगु अप्वयाच्वंगु अवस्थाय् थुकियात पनेत थः लघु उद्यमशीलताया विकास यायेगु योजना न्यंकादिल । चीधंगु नं न्ह्याकायंकाः ततःधंगु उद्योगत नं स्थापना यायेफत धाःसा युवा विदेश पलायत दीगु वय्‌कलं धयादिल ।

भुखाय्‌ लिपाया पुनर्निर्माण व भुखाय् पिडितया पुनर्स्थापनाया सवालय् नेपाली कांग्रेसं न्हापा नं ज्या यानाच्वंगु खँ न्ह्यथँसें चुनाव लिपा नं सरकारलिसे समन्वय यानाः थुगु ज्यायात अझ प्रभावकारी रुपं न्ह्यःने यंकेगु वय्‌कलं धयादिल ।
खँल्हाबल्हाया पूवंगु भिडियाे स्वयादीत क्वय् क्लिक यानादिसँ




Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.