अस्थि धातुया यात्राया लिसें थासंथासय् बुद्ध जयन्ती हन

११३८ बछलाथ्व पुन्हि /येँ

स्वांयाः पुन्हिया लसताय् थौं सुथंनिसें स्वयम्भूनिसें कयाः आनन्दकुटी श्रीघः गणविहार सुम‌गल विहारयालिसें स्वनिगःया थी थी विहार व बहाः बहीलय् बुद्ध भगवानयात लुमंकुसें बुद्ध पुजाया लिसें बुद्ध भजन यात ।

किपा-रेखा शाक्य

२५६२ बुद्ध जयन्तीया लसताय् देशय् दुने जक मखु देशं पिने न‌ं वसपोलयात लुमंका र्याली यानाः बुद्ध पुजा सम्पन्न यागु खः ।

किपा फेसबुक पाखें

अथेहे थौं हे न्हिनय् ४ बजे भगवान बुद्धया अस्थिधातु यात्रा जुल । बसन्तपुलिं बग्गीलय् तयाः अस्थिधातु यात्रा न्ह्याकूगु खः । अस्थिधातु यात्राय् सलंसः भक्तजनपिं, उपासक उपासिकापिंनिगु सहभागीता दुगु खः ।

किपा फेसबुक पाखें

धिमे बाजं, धाः बाजं लिसें अस्थिधातु यात्रा बसन्तपुलिं वंघ, हनुमानध्वाखा, मरु, चिकंमुगः न्हूघः, लगं, ब्रह्मत्वाः, हिउमत, कोहिति, भिंद्यःत्वाः, मरु, यटखा, त्यंगः, छत्रपाटी जुकाः सिघलय् यंकाः अस्थिधातु यात्रा क्वचायेकूगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.