अपर्णा प्रधानया स्वंगू सफूया उलेज्या

ने सं ११३९ थिंलाथ्व पारु येँ

झीगु सम्वाददाता

अाख्यानकार मय्जु अपर्णा प्रधानया स्वंगू सफूया थाैं छगू ज्याझ्वःया दथुइ उलेज्या जुल ।

किपाः रेखा शाक्य

करुणा उपन्यास, राजाया कृतिः जिगु दृष्टि समालाेचना व ख्यू‌ंगु अालय् थीगु नगू च्वखँ सफूयात  वरिष्ठ उपन्यासकार व बाखंच्वमि मथुरा साय्मि, प्राध्यापक व समालाेचक प्रेमशान्ति तुलाधर व समालाेचक इन्द्रमाली पाखें मंका कथं उलेज्या यानादीगु खः ।

किपाः रेखा शाक्य

विधिवत रुपं मू पाहाँ साय्मिं त्वाः देवाय् मत च्याका उलेज्या यानादीगु ज्याझ्वलय् मदुम्ह नेवाः न्ह्यलुवा व मानव अधिकारकमि पद्म रत्न तुलाधरयात लुमंका एक मिनेट माैन धारण यायेगु ज्या नं जुगु खः ।

किपाः रेखा शाक्य

सफूया बारे न्ववानादिसें उपन्यासकार भाजु साय्मिजुं सफू च्वमि मय्जुया करुणा उपन्यासयात कया छम्ह मिसा मचा बूसां निसें इहिपा धुंकाः छेय्पिं दये धुंकाः तकया मिसा पात्रया चित्रण याना तःगु खँ लुमंकादिल । छम्ह मिसा छेँया दथु अंगः समान खः । छेँ दयेकेगु व स्यंकेगु भूमिकाय् मिसा पात्रया तःधंगु ल्हाः दइगु धाःसें करुणा उपन्यासय् मिसा पात्रयात न्ह्यब्वयातःगु हे दुग्यंगु बाखं चू खः धयादिल ।

https://www.facebook.com/rajendra.manandhar.7906

लिसें थुकिइ घटनाक्रमयात ब्वयेगु व उकियात कथं हंकातःगु बा‌ंलागु पक्षयात जः ह्वलादिल ।  च्वमिया विशेषता धइगु हे लेखन कलाया प्रस्तुति खः धाःसें  छुं नं विधाय् च्वय्बलय् भाषा सरल सरसया नापं काैतुहलताया लिसें सस्पेन्सया माहाैलयात नं विशेष थाय् बिइमाःगु सुझाव बियादिल ।

किपाः रेखा शाक्य

अथेहे समालाेचक भाजु मालीजुं च्वखँया विशेषता धइगु हे सुना विषयबस्तुया बारे गुलि अप्वः बयान यायेफत उलि हे बांलाइगु व ब्वनेबलय् नापं च्वना खँल्हाबल्हाया अाभाष बिइफत धाःसा व हे दकलय् बांलागु च्वखँ जुइगु बिचाः प्वंकुसें थुकिइ च्वमि अतिकं सफल जुगु बिचाः प्वंकादिल ।

किपाः रेखा शाक्य

लिसें मय्जु तुलाधरजुं च्वमियात अन्य बिधायात सिबें मिसापिं च्वमिपिं समालाेचक बिधाय् तसकं म्हाे जुगु हुनिं वय्कःया ल्हाः अझ थ्व हे बिधाय् न्ह्याकाः नेपालभाषाया साहित्यया धुकू जाय्का दित इनाप यानादिल । नापनापं छुं नं भाषाया समृद्धता धइगु केवल भाषाया सफूया ल्याः अप्वः दया जक जुइमखु गुणात्मकताया नं उलि हे महत्व दयाच्वनी उकिं संख्यात्मकताय् मखु गुणात्मकताय् नं ध्यान बिइमाः धयादिल ।

किपाः रेखा शाक्य

अाख्यानकार मय्जु अपर्णा प्रधानया थुगु स्वंगू सफू कुतः पिकाकया लुखां पिहाँ वःगु खः गुगु १९ अाैं कृति खः । ज्याझ्वःया लिपांगु इलय् च्वमि मय्जु व सभानाय राजा शाक्यजुं थःथःगु नुगः खँ प्वंकादिसें सकसितं सुभाय देछाया दिगु खः ।  उगु ज्याझ्वलय् हनेबहःपिं साहित्यकार भाजुमय्जुपिनिगु नं उपस्थिति दुगु खः ।

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.