अपर्णा प्रधानया निगू कृतिया पितब्वज्या

११३८ सिल्लागा अष्टमी/येँ

नेवाः साहित्य ख्यलय् ताः ई न्ह्यःनिसें च्वसा न्ह्याका वयाच्वनादीम्ह साहित्यकार अपर्णा प्रधानया निगू कृतिया थौं छक्वलं पितब्वज्या जूगु दु ।

येँय् जूगु छगू ज्याझ्वलय् साहित्यकार प्रधानया उपन्यास ‘लायलामा’ व आत्मवृतान्त सफू ‘जि व जिगु ई’ सार्वजनिक जूगु दु । नेपालभाषा एकेदेमिया चान्सलर चित्तरञ्जन नेपाली, व प्रा सुवर्ण शाक्यं मंकाः रुपं सफूया पितब्वज्या यानादिल ।

ज्याझ्वलय् समालोचक पूर्णकाजी ताम्राकारं निगुलिं सफूया समीक्षा यानादिल । समालोचक ताम्राकारं साहित्य ख्यलय् नेपालय् आत्मवृतान्त सफू तसकं म्ह्व जक पिदनीगु अवस्थाय् आत्मवृतान्त विधाय् थुगु सफुतिं छपा अप्पा तनेगु ज्या जूगु धयादिल ।

ज्याझ्वलय् लसकुस न्वचू जिना प्रधानं तयादीगु खः ।

ज्याझ्वलय् नेपालभाषा ख्यःया भाषा न्ह्यलुवा हितकरवीरसिं कसाः, भाषासेवी पुष्प चित्रकार, लक्ष्मण राजवंशी, नेपालभाषा केन्द्रीय बिभागया पुलांम्ह प्रमुख चन्द्रमान बज्राचार्य, छत्र बहादुर कायस्थ लिसें विशिष्ट व्यक्तित्वपिनिगु उपस्थिती दुगु खः ।

बुखँ नेवाः सूचना केन्द्र
किपा राजेन्द्र रञ्जित

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.